पूर्व प्रधानमन्त्री तथा एमाले अध्यक्ष केपी शर्मा ओलीका पिताकाे निधन

काठमाडौँ, फागुन २९ गते । पूर्व प्रधानमन्त्री एवम् नेकपा एमालेका अध्यक्ष केपी शर्मा ओली  पिता मोहनप्रसाद ओलीको ९७ वर्षको उमेरमा निधन भएको छ।

शुक्रबार बिहान भक्तपुरको गठ्ठाघरस्थित Nepal–Korea Friendship Hospitalमा उपचारका क्रममा उहाँको निधन भएको हो।

निधनको खबर पाएपछि एमाले अध्यक्ष ओली पत्नी Radhika Shakyaसहित अस्पताल पुग्नुभएको थियो। उहाँको पार्थिव शरीर हाल अस्पतालमै राखिएको छ। श्रद्धाञ्जली अर्पण गर्न आफन्त, नातेदार तथा एमालेका नेता–कार्यकर्ताको अस्पतालमा उल्लेख्य उपस्थिति रहेको छ।

स्वर्गीय मोहनप्रसाद ओली केही समयदेखि भक्तपुरको गठ्ठाघरस्थित आफ्नी छोरीको निवासमा बस्दै आउनुभएको थियो। गएराति स्वास्थ्यमा समस्या देखिएपछि उहाँलाई तत्काल अस्पताल लगिएको थियो। उपचारकै क्रममा आज बिहान उहाँको निधन भएको एमाले सचिवालयले जनाएको छ।

दिवङ्गत ओलीका दुई छोरा र तीन छोरी रहेका छन्। उहाँको निधनप्रति राजनीतिक तथा सामाजिक क्षेत्रका व्यक्तिहरूले शोक व्यक्त गर्न थालेका छन्।