0
Shares
काठमाडौं, जेठ ४ गते । नेपाली क्रिकेट टोलीका स्टार लेग स्पिनर सन्दीप लामिछाने ले एकदिवसीय अन्तर्राष्ट्रिय क्रिकेटमा नयाँ विश्व कीर्तिमान कायम गर्नुभएको छ ।
आइसिसी विश्वकप लिग–२ अन्तर्गत कीर्तिपुरस्थित त्रिवि क्रिकेट मैदानमा सोमबार भएको स्कटल्यान्डविरुद्धको खेलमा तीन विकेट लिएसँगै सन्दीपले सबैभन्दा छिटो एक सय ५० विकेट पूरा गर्ने विश्व कीर्तिमान बनाउनुभएको हो ।
नेपाली टोलीका पूर्व कप्तानसमेत रहनुभएका सन्दीपले ७३ खेलमै एक सय ५० विकेट पूरा गर्दै यसअघि मिचेल स्टार्क को नाममा रहेको कीर्तिमान तोड्नुभयो । अष्ट्रेलियाका स्टार्कले सन् २०१९ मा ७७ खेलमा उक्त उपलब्धि हासिल गर्नुभएको थियो ।
यसअघि पनि सन्दीपले सबैभन्दा कम खेलमा एक सय विकेट लिने विश्व कीर्तिमान आफ्नो नाममा राख्नुभएको थियो । उहाँले सन् २०२१ मा विश्वकप लिग–२ कै क्रममा Papua New Guinea national cricket team विरुद्ध व्यक्तिगत उत्कृष्ट प्रदर्शन गर्दै ६ विकेट लिनुभएको थियो ।
स्कटल्यान्डविरुद्धको खेलमा सन्दीपले पूरा १० ओभर बलिङ गर्दै ४७ रन खर्चिएर तीन विकेट लिनुभयो । त्यस्तै, अर्का नेपाली बलर ललित राजवंशी ले आठ ओभरमा ३२ रन खर्चेर चार विकेट लिएर टोलीको जितमा महत्त्वपूर्ण योगदान दिनुभयो ।
