जिल्ला प्रहरी कार्यालय सल्यानका सूचना अधिकारी प्रहरी निरीक्षक बाबुराम बस्नेतका अनुसार जिपमा २० जना सवारमध्ये १९ जना घाइते भएका छन् । घाइते सबैलाई तत्काल शारदा नगरपालिका–१ श्रीनगरस्थित कर्णाली अस्पतालमा उपचारका लागि लगिएको छ ।
घाइतेको विवरण
-
शारदा–१३ का १८ वर्षीय सुमन बस्नेत (टाउको र दायाँ खुट्टा चोट)
-
शारदा–१२ की २१ वर्षीया सीता रावत (टाउको, हातमा चोट) र उनकी ७ वर्षीया छोरी डोल्मा रावत (टाउकोमा चोट)
-
शारदा–१५ की २४ वर्षीया साबित्रा भण्डारी (टाउको, ढाडमा चोट)
-
त्रिवेणी–२ की २४ वर्षीया निर्मला गिरी (टाउको, खुट्टा चोट)
-
शारदा–१५ की ८ वर्षीया शिरीसा भण्डारी (टाउको, खुट्टामा चोट)
-
२३ वर्षीया दीपा रावत (टाउकोमा चोट)
-
शारदा–१२ की २१ वर्षीया जानकी गिरी (छाती र खुट्टामा चोट)
-
शारदा–१३ का २७ वर्षीय गिराराज गुरु (कन्चट, हातमा चोट), उनकी ९ वर्षीया छोरी रियाराज र ५ वर्षीय छोरा रितुराज गुरु (सामान्य अवस्था)
-
शारदा–१ की २५ वर्षीया शोभा बुढाथोकी (टाउकोमा चोट), उनकी ९ वर्षीया छोरी डिला (खुट्टामा चोट) र ६ वर्षीया छोरी सुमित्रा (टाउकोमा चोट)
-
शारदा–१ की २१ वर्षीया सम्झना थापा (टाउको, खुट्टा चोट) र उनकी १८ महिनाकी छोरी समारिका (सामान्य अवस्था)
-
शारदा–१३ का १६ वर्षीय जीवन नेपाली (टाउकोमा चोट)
गम्भीर घाइते
दुवैजनालाई गम्भीर चोटपटक लागेकाले नेपालगन्ज रेफर गरिएको प्रहरीले जनाएको छ ।
यसैबीच, दुर्घटनाग्रस्त जिप चालक शारदा–६ मदनकाडाका २३ वर्षीय सुरेश बुढाथोकीलाई प्रहरीले नियन्त्रणमा लिएको छ । घटनास्थलमा प्रहरी नायब निरीक्षक नरेशसिंह ठकुरीको कमान्डमा प्रहरी टोली खटिएको थियो ।
दुर्घटनाबारे थप अनुसन्धान भइरहेको प्रहरीले जनाएको छ ।
