बलिउडका चर्चित अभिनेता नाना पाटेकरको निधन

काठमाडौँ  असाेज २२ गते । बलिउडका चर्चित अभिनेता नाना पाटेकरको ७५ वर्षको उमेरमा निधन भएको छ। गोवास्थित आफ्नै निवासमा बिहीबार बिहान हृदयाघात भएपछि उनलाई अस्पताल लगिएको थियो। चिकित्सकहरूले करिब ४५ मिनेटसम्म बचाउने प्रयास गरे पनि उनलाई बचाउन सकेनन्।

सन् १९७८ मा ‘गमन’बाट फिल्मी यात्रा सुरु गरेका नानाले ‘अंकुश’, ‘परिन्दा’, ‘क्रान्तिवीर’, ‘अब तक छप्पन’, ‘राजनीति’, ‘नटसम्राट’ लगायतका फिल्ममा प्रभावशाली अभिनय गरेका थिए।

परम्परागत बलिउड हिरोजस्तो आकर्षक छवि नभए पनि नानाले आफ्नै अभिनय शैलीबाट दर्शकको मन जिते। आक्रोशित, संघर्षरत र सामान्य मानिसका पात्रलाई जीवन्त बनाउँदै उनले हिन्दी सिनेमामा ‘हिरो’को परिभाषा नै परिवर्तन गरे।

‘क्रान्तिवीर’का लागि उत्कृष्ट अभिनेताको राष्ट्रिय चलचित्र पुरस्कार जितेका उनले ‘वेलकम’मा उदय शेट्टीको हास्य भूमिकाबाट पनि उत्तिकै लोकप्रियता कमाए।

तीन राष्ट्रिय चलचित्र पुरस्कार, फिल्मफेयर पुरस्कार र पद्मश्रीबाट सम्मानित नाना पाटेकरको निधनसँगै हिन्दी सिनेमाले एक विशिष्ट र बहुआयामिक कलाकार गुमाएको छ।

उनको अभिनय, संवाद र पात्रहरू भने दर्शकको स्मृतिमा सधैं जीवित रहनेछन्।